Xadrez Albatros.com

O pasado Sábado día 19, celebrouse en A Guarda, a primeira xornada das dúas coas que conta a presente edición da Liga Galega de Xadrez na Cuarta División.

          Este ano a Federación Galega de Xadrez propuxo a celebración de tódalas roldas en dúas xornadas, e concedeu a organización desta primeira xornada ó Club de Xadrez Albatros . Nas instalacións da Sociedade Recreo Artístico Guardés, lugar habitual das clases da Escola de Xadrez Albatros, celebrouse este primeiro encontro cunha moi boa afluencia de público e xogadores.

          Cada equipo estivo representado por catro xogadores en cada rolda, e nalgúns casos trocábanse segundo se ían disputando os encontros, de tal maneira, que tódolos membros do equipo disputasen a lo menos unha partida, xa que hai equipos que contaban con ata doce membros.

          Finalmente, e trala disputa das primeiras cinco roldas, a clasificación provisional vai como sigue: 

          O vindeiro sábado 26, nas instalacións do Club de Xadrez Dr. Fleming de Vigo, pecharase a competición, proclamándose ó vencedor da categoría. Os dous equipos mellor situados son o Club de Xadrez Albatros D con 17 puntos, seguido de Santiago Apóstol B (Ponteareas) con 15 puntos. Ambos teñen pendente o seu enfrontamento particular, que de seguro, decidirá quen se fará co Campionato. Todo isto co permiso das dúas formacións da Escola de Bouzas de Xadrez (Vigo), A e B, que aínda conservan opcións de cara a derradeira xornada. Boa actuación do Club de Xadrez Albatros E, que acadou a quinta plaza provisoria cos mesmos puntos co Laroca-Nigrán Júnior.

          Por outra banda, este mesmo sábado 19 disputouse a xornada dúas na segunda e terceira división, onde o Club de Xadrez Albatros contra con un (Albatros A) e dous (Abatros B e C) representantes respectivamente.

Máis Información:

• Album de fotos.
• Resultados provisionais en formato pdf.