Xadrez Albatros.com

            A sétima xornada de Liga veu de confirmar a recuperación do Equipo A en canto a xogo e resultados. O empate ante o Jorge Acuña, é un gran resultado tendo en conta que o equipo estaba mermado e tivo que recurrir a Antonio González, o cal obtivo unhas meritorias táboas.   

           Todo parece indicar que tanto o Equipo A como o B non van ter problemas para conserva-la categoría. Se os primeiros van remontando cada xornada, a medida que se van enfrontando con rivais directos e alcanzando os resultados agardados, o Equipo B, vai cumplindo o seu papel de ir arrincando cada xornada puntiño a puntiño a aqueles rivais que encabezan a clasificación, e facendo bos papeis diante dos rivais directos pola permanencia. A derrota ante os moañeses do Ficher “B” por 3-1, sabe mellor ó comprobar que trala xornada se está un pouco máis lonxe da derradeira praza. 

Na terceira división, sen embargo, estamos a observar a incertidumbre por parte do Equipo C, que, e sobretodo, debido ás dificultades de manter ós titulares, non da mostrar decididas da súa capacidade real para o ascenso. O empate ante o Ponteareas, non é un bo resultado, pero hai que ter en conta que se acudiu con dous xogadores de cuarta división. Nembargantes, a Liga aínda lle quedan moitas xornadas, e se pode dicir que xa se pasou por case tódolos rivais fortes, a persares de que ampliouse considerablemente a distancia en relación o grupo de cabeza, a remontada non so é posible, senón que agradable do conxunto de rapaces que conforman o equipo. Nesta ocasión o “xadrezalbatros.com D” tivo xornada de descanso.